رسايل رومانسيــــــــــــه

إن ضاق بك وقتك فأنا كل الاصحاب
وإن جيتني بالهم والله لشيله
وإن قلت أنا أحبك والله ماني بكذاب
وإن قلت أنا ناسيك أكبر رذيله
إن حدني وقتي على غير ما طاب
أذكر وراي إنسان يسوى قبيله


تمهل قبل ماتحكم تذكر فرحة سنيني
تذكر ماوعدت الروح يوم أنك علي راضي
تمهل قبل ماتظلم وشوف الدمع في عيني
تحسس جرحك بقلبي تلمس جرحك الماضي
مشيت الدرب لعيونك أفكر ماتخليني
ولكنك على همي تغض الطرف وتغاضي
ترى مافيه في قلبي مكان به تأذيني
عسى الله يبتلي قلبك إذا أنه خالي ٍ فاضي


أنا اللي حبيته ماطلبت التسليه
ترى الحب أكبر من اللي تكتمينه ياشر البليه
هذا قراري واعتبريني قضيه
وماعاش منهو يدوسني يالرديه
أسمحولي طولت عليكم شويه
بس شو أسوي أفهم وحده غبيه


ياصاحبي خطك على طول مشغول
وإن شفتك تبي تقلي علامك شغلته
الله يستر بس وش ناوي تقول
عذر ٍ جديد ولا بعد يوم قلته
البارحه قلت الأقارب ومقبول
وقبل أمس واحد مزعجك وأرتحلته
إلى متى ذا الحال ماهوب معقول
وإلى متى لك صاحب ٍ ماوصلته


دامك بقولك بحبي تندمت روح لعنبو نفس رديه تمناك ,,,
حبيتك عزيتك بديتك على كل الناس وفوق هذا تخون .....
روح بلعنتك لابوك ولابو من ترجا حنانك ..


تبــي ترحل تبي تقعد أنا لحظه ما أقعد معك
أعرف كلامك فاضي وما أتحمل أني أسمعك
أطوفلك..!! وكيف أنته قلبك ياجحودي طاوعك
أعـذرني كنت غـالي وصار عادي إني أودعــك


لا تتصل وتتطلب رضايه .. لأني ما ازعل على من شرواك
وفر العذر و أنسى الحكايه .. لأني فرحــان بجفـــاك
لا ترجع وتألف لي روايه .. وتقول مــــا أعيش لولاك
مب أنا اللي أرضى بالبقايه .. يا فضاله من الخاطر عفناك


سامحني .. خانتك نظرة عيوني يوم شفتك
للأسف لحظة لقانا كنت أظنك شخص ثاني
جت عيوني في عيونك .. صدقني ما عرفتك
أعتذر قلبي تغـيـر .. مثل ما قلــبــك نساني

°•.ღ.•°


أنت
وردة
قلبي
ترتوي
منه ..


تعالـي واحضني صدرٍ ملاه الـهــم مـن جفــواك
تعالـي وكـفـكـفـي دمـع ٍ يـكـشـف سري وسـكـاتـي
تعالي لعـنبوا حـيـك بـعـيـش الـعـمر فـي رجواك
أبعزف حبـك بـشـعــري وأخــلــد فـيــه نـغــمـاتي
لك الـلـه مـا لهـا معـنـى حــيـاةٍ مـا بها طـريـاك
يموت الليل بحـضورك وأنـسى كـل دمـعاتـي






في لقاك أكون في حال ارتباك
وكل شي يختلف عن موضعه
أصغي لصوتك ولاجاني نداك
أتجاهلني وصوتي تسمعه
تاه قلبي غصب عنّي في هواك
ليت من خذاه بظلايم رجعه
المحب اللي بإحساسه رجاك
عمره الغالي بوهمك ضيّعه



أوقدوا في النـار .. نــار
مـا ورا ليـلي .. نهـار
من خــذا فـجـرك حبيـــبي ؟؟
ومـن تـرك لي
الانتظار !




جيت لك من جمر الشوق متحمي
كـل ماتبـرد طعونـي ضمهـا
جيت لك واقصى معاليقي تومي
هـم يخطيهـا وهـم يخمـهـا
إن ضميت اشرب سواليفك بدمي
وان تثاقلـت الـدروب ازمهـا
وان خذتك مني عين متسمي
العـن الدنيـا وأبوها وأمها



كنت أظنك في قصيدي بس مجرد خاطره
بس لقيتك في شعوري أنت اللي بيت القصيد
كنت أظنك في قصيدي بيت ممكن أكسره
بس لقيت الوزن ثابت من الوريد إلى الوريد
كنت أظن الليل دونك بس ليل وبسهره
ما دريت انه بدونك فجري المسافر بعيد




يهتز قلبي يوم يطرونك
هزة محب له من الشوق فزه
هم يحسبوني ناسي يوم يطرونك
وأنت بفكري كل حزه
بعيوني الثنتين وبالدمع شافوك
قالوا بعينك واضحة هالمعزه
وسموني باسمك وأنت بالقلب سموك
واسمك بقلبي احترس لا تهزه



مهما افترقنا وغبت عن أنظاري ..
أنت حياتي ويومي وأمسي وباكر ..
وأنت المطر والشجر والشمس وأقماري ..
شعور مهما اكتمه في صورتي ظاهر ..
يغني عن البوح والشكوى وأعذاري ..
وإن كنت بحالي داري وشاعر .. !




كثر اشتياقي لك
.. عيوني تمناك ..
ودي أضمك في عيوني
وإداريك ..
انت الوحيد ان غبت
ما غاب طرياك ..
وأنت الوحيد اللي
حياتي تناديك ..
وأنت الوحيد ان جيتني
عقب فرقاك ..
أطفا بشوفك .. واحترق يوم ألاقيك




بيني وبينك بعـد وحــدود وأسلاك
غالي وتـبقـى ويـن ما كـنـت ... غالي
يا ليـتها يـوميـن ...والثـالـث ألقاك
وصـلك نهـار و ب ع ث ر ت ه اللــيالي





احتويني ..
زلزيني ..
طيريني ..
بلليني ..
رتبي فوضى سنيني ..
لك فدا عمري وطيني ..
ودي بحضنك أغيب ..
وتحتفل بيدك يديني ..




شعور غير ..
إحساس طيــر ..
كل الثواني حالمة والصبح خير ..
وحشتني والليل غير ..
وحشتني نفسي أطير ..
كل الحروف تقول لك ..
وحشتني والله كثير ..!!





جمعتنا الليالي
واحتوانا الهمس
صوت
الدقايق
ولحظة عمــر
عشـناها
حيث الأيادي على
نغم الوتر
واللمس
ترقص فــرح
والمشاعر صعب
نقـراها
أعيش أنا الوقت كله
في
بقايا الأمـس
تذكـار
طول الزمن لا يمكن
أنـساها





مجنون هذا اللّي يسمونه " القلب "
يدوّر اللّي " مستحيـل " ويحبّـه ..

غردي يا طيور الجو فوق الجبال
وأرسلي له سلامي وأسرعي بالجواب
وأرعدي يا سحابه فوق عالي التلال
وترجمي له شعوري بعد طول الغياب
واحملي له عبير الورد تحت الظلال
وأرسلي له نسايم من رذاذ السحاب





في غيبتك تساقطت خضر الأوراق..
ما قاومت غيبتك جرة عنادي..!
ما كل من يبعد له القلب مشــــتاق
ولا كل من عوّد له القلب شـــادي..
إلا أنت في الثنتين محرقني إحـــراق..
إن غبت زاد الشــوق
وإن جيت زادي ...



أحط يــدي على خــــدي
وكــلي باللقـا مشغــــوف
أعاتب سـاعتي وارجع
وأعاتب قسوة زمـــــاني ..
كــذا وقــتي على بعـــدك
زمـــن
خـــــارج عن المــألــــــوف
دقـايق تعلــك الضيـــق
وساعة تكســر عنـــــاني .. !!



مشتاق مدري كيف أعبر عن الشوق
إن كأنها تكفيك مشتاق مشتاق مشتاق
وإن كأنها عيت تجاريك بالــــــــذوق
قل لي وأجي يا فرحة العمر بعنـــاق ..



ليـه ..؟
ليه أحبـــك هالكثر .. كثـر روحي والعمـر
حتى لو تغلط بحقي أنا أعطيك العذر
أنت ما بك شي غير .. إلا بس قاسي كثيــر
وأنا مدري وش جبرني فيك " يا طفلي الكبير "




ما هو ضروري نغــار بس لما نحب
وش حيلة القلب لا غدا بطبعه غيور ..!!..
الحـب دون أسباب والغيرة بسبب
أحيان ،، تنصفنا ..وأحيانا تجــور .. !!
أحيـان تشعـل نــــار وتجـود بحطب
وأحيـان من نفس الحطب تبني جســـــــور .!!.



تعبك راحة مهما تتعبنـــي .. شفت الغلا كيف سوى من التعـب راحة ؟
عذب ومنهو يردك لاتعذبنـي .. البال مرتـــاح والأعصــاب مرتاحة ...
لاينكســر خاطرك كيفي وعاجبني .. ماظنتي خســران مثلي يحسب أرباحه ..
صوبني من وين ما ودك تصوبني .. مذبوح ومسلــــم روحـه لذباحه ..
غصب علي كل ما سويت يعجبني .. قلبي قفلته عليك وضاع مفتاحه ..



أموت بنظرتك وأعشق سكون الحرف بشفاتك
أبي أصبر على بعدك ولكن كل شي ضدي
ولا أقدر على بعدك ،، خلاص بشوفتك ودي
حبيبي كأنك المخطي،، حضنت بروحي زلاتك
إذا عندك عذر مقنع،، أنا هاللحظة ما عندي
سوى حب ملا صدري،،يفوق الحب في ذاتك




ذعذع هبوبك وامتلى محجر العين
ياللي مع النسمات وصلك تمده
أشتاق لك وأنساق سوق المجانين
ما تدري إن الشوق بقلبي يحده
إن قلت لي : بنـروح
ما قلت لك : وين ...
هـاك الخفوق ووين ما رحت وده ..



آه لا مـن جـا يـعتـذر عـن خـطـاه
كـنـي أنـا اللي عـلـى حـالي خـطـيـت
يـفـهـم الـقـلـب الـمـتـيـم وش وراه
يـدرك إحـسـاسـي لـو إنـي مـا حـكـيـت
كـلـمـا حـاولـت أزودهـا مـعـاه
انثنيت ثـم انثنيت ثـم انثنيت
كـيـف أكـمـل مـعـه شـي وأنـا تـونـي مـا إبتـديت




عجزت احدد شعور شدني يمه ..
إحساس جارف غمرني واجهل أسبابه ..
إحساسي الحب خاله
والغلا عمه ..
والصدق والتضحية من اقرب اقترابه ..



تعال اعصف بـ شرياني وصح البلبل الصداح . .
تعال ارجوك و امطرني غرام وشوق وابرقني . .
حبيبي والغلا يكبر بـ قلبي سنبلة فلاح . .
وأنا اسقـيها من الشـريان لو المـوت يدركني . . .




تعالـي غربلـي قلـب (ن) تبعـثـر داخــل آهـاتـك
تحـمـل كــل شــي إلا ثـوانـي غيبـتـك عـنــي . .
تعالي ناظـري عيـن(ن) بكـت بـ إحساس عبـراتـك
تـذل لـ عينـك عـيون(ن) تمـنـى نـظــرةٍ مـنــي . . !



انا مـا هـمـني غــيرك لــو ان الكـل يســمعنا
مــدام ان الغـلا الصادق لـ قـربك يسـكن اضلاعـى
حييت بـ شـوفتك يا نـور عيني والهــوى معنا
الحـياه وباقي الــدنـيا بـدونـك مـا لـها داعــي



مـ أقـول أحبه ..إلا أنا ميت(ن) فـيـه
وشلون ما حبه وهو رأس مالي !!
وليته كثر مـ أعشقه / وأهواه / وأغليه
ما يقطع اللي باقي(ن) من حبالي ..



تعبان قلبي ولا أحـد فيه داري
هذا وفا الصابر وهذي جـزاته
مثل السفينة لـ غرقت في البحاري
كل من يفكر في الحـياة ونجاته


ماغير حبّك حبيبي لي سكن قلبي
من غير حبّك حبيبي من يهنّيني
تدري وش أسباب حبّك يابعد حبّّي
خايف لو أوصف حياتي ما تكفّيني
قلبي أخذته بقربك خلّك بقربي
وأضن بأنّك حبيبي منّي وفيني
أرجع حبيبي الهوى ياااماا تلاعب بي
إرجع لقلبي وإجري في شراييني






تأكدي....!! كل البشر تخدعينه..
إلا خفوق (من حنانه رويتي)..!
ماعدت أنا الطفل الذي تخبرينه..
يزعل وترضينه متى مابغيتي..
شوقي غدى كتلة رماد(ن) بطينه..
وهو أمس نار(ن) من وهجها دفيتــــــــي..
وش عقب "¤ مـــــوت الحب ¤" لك ترتجينه..؟
ياللي براي(ن)مانفعك اقتديتي..
غلاك في قلبي هدمتي حصينه..
وعليه بأقدام التعاااالي وطيتي..
لادمع هل .. ولامشاعر حزينه..
.!.(.!. سرااااااااااااااااااااب .!.).!.
بينتي..وسراب ... "¤ انتهيتــــــــــــي ¤"






جرحي اللي ..لاجي(ن) بأقصى الصميم
وأحترق به كل.. معلوق بحشاي
وورحي اللي... اصبحت حال الهشيم
.. صابر(ن)واخفي .... معاناتي وراي
في زمان(ن).... قل به.... قلب(ن) حميم
.... حتى نفسي أتصور مو... معاي
صرت له نـد..... وهي..... نــد وخصيم
..... تغتنم اي فرصه.... لجل تطعني بقفاي
ما بقى....... بي شي صاحي أو سليم
. وكني اللي .. مقفي .. بعيونه .. وجاي
ما أشوف لعلتي ........ طب وحكيم
يائس(ن) .. والناس ... مو بيدهاا ..... دواي
محترق واصيح وحدي ضيم... ضيم
ما يردد ...... صيحتي ....... الا صداي
استوى الحاضر ..... كما حال القديم
لو انادي .......... ما سمع ....... احد(ن) نداي





احاول اني افوت واغطي عنك اخطاك
حسافه فعلتك تمحي كتاب الحب بقلامي
خيانة ماحفظت العهدامانه وش تبي ارجاك
كفايه ماحصل منك كفايه اعيش باوهامي
رجيتك تبتعد عني طريقي غير عن مسعاك
حياتك كلهاأخداع وكذب وزور متنامي
تألـــــم وابتعد ارجوك عسى جمر الغدر يصلاك
عساك اتشوف عذاب الحب وتعرف مصدر الامي






ينام النوم بعيـــوووونك
وانا انتظر منك
رسالــــــه حروفها ... تشكى
تنادينى حبيبــــى ارجع
حياتى ... صعبه من دونك
ينام النــــوم ... بعيونك
ينام احساااااسك البـــاااارد
ولا يسأل . .
يخلى مابقى من ليل
على فراش الجفا يذبل
وتنسينى . .
مثل حزن اللقا مابينك وبينى
دقايق ليلى الشاكى
وحزن احساسى الباكى
وشوقى ,
ولهفتى ,
وصبرى ,
ياااااا كثر الى ينـــــــــــادوووونك






ياناس أنا لي حبيبن شايفن حاله..؟
يزعل لحاله ليامن جيت كلمته..
قام يتكبر علي وشح بوصاله..
الظاهر إني كثر مغليه زعلته..
ذي غلطتي يوم أجيله وآتشكاله..
قلت انت ماغيرك الغالي وطيــــــــرته..
مدري علامه وشلي غير أحواله..
مافيه يومن من الأيام كدرته..
يومن تمادى علي وشانت أعماله..
بالصد والهجر والحرمان بادلته..





أنا ما لوم و كيف الوم قلب(ن) مايسدالباب
وكيف أصبر على جرحك وأناجي لمسة ايدينك
اقدره ظرفك القاسي وشوقي هايم(ن) منساب
يلحفني ظما ليلي ودمعي يرتجي عينك
برغم البعد أناأدري المسافة ما تصد احباب
ولا تمنع لقا روحي بروحك في بساتينك
أمني غربة أيامي وأواسي شمعي الي ذاب
على باب انتظار الفرح ونادي فرحتي وينك
وامد كفوفي العذرى بتلمس هامتك وارتاب
واقول افحلمي هذا حلم واهمس بينك وبينك
على هذا الامل ابقى وتطوى صفحتي بكتاب
وكل ورقة تمر تاخذ من سنيني مع سنينك
بظل احيا حكاية خل ابد عن صاحبه ما تاب
تبات حروفي العطشى تخيط التاج لجبينك





البعد بيني وبينك ما بنى فاصل
لليوم تسكن فيوفي واسكن فيوفك
فدتك روحي وعيني والعمر واصـل
مااطلب الا ثواني افرح بشـوفك
الياس شـل الحنايا والجـسـد ناحل
واليوم تكفى حبيبك لمسة كفوفك
ياخوف قلبي غيابك من فعل فاعل
والا تسـلي ذبحت القلب بسـيوفك
ان كان يرضيك موتي والذي حاصل
راضي ويكفي اموت وحبي بجوفك






أكذب على نفسي ليا قلت (*بنساه*)
والله مانسى منه بكيته..!
لاقمت أذكر مابصفحات ¤ذكراااااااه¤
رتبتها من يوووووم فيه التقيته..!
الصفحة (الأولى) بها يوم §"لقياه"§
أول تلاااااقي مع حبيب(ن)هويته..!
و(الثانية)فيها اعترفت إني /أهواه/
وسلمت !! قلبي له!! وقلبه خذيته..!
و(الثالثة)فتحتها بس قلت (آاااااااه)
فيها 1=سطر=1 ياليتني ماقريته..!
فيها(!.النهااااية.!) يوم ¤فرقاي¤ ويـــــاااااااه
يوم*التعاسة*يوم حبي %"بكيته"%
وضمـــــيت صفحاتي لصدري وقلت (آاااااااه)
(%%%( ياليييييييييييييتني )%%%)
في دنيتي مـــــاااااا ":":" لقيته ":":"



أبيك تذكرني لي صرت تعبان،،
ترمي لي الحمل الثقيل واضمه..

ابي اكون النوم لاصرت نعسان،،
وحضن الحنان لقلب مشتاق لأمه..

أنا قلبي لك حيــــل ولهان،،
شوق "اليتيم" اللي فقد من يلمه..



معقول ما حسيت
مثلي ولا عانيت معقول
ما فكرت لجلك أنا شسويت
أرخصت لك دمعي أضويت لك شمعي
وإنت ولا حسيت
نسيت أصحابي وأبعدت عن أحبابي
حزني عليك أكبر من همي وعتابي
خليتني بدربك حاير مع حبك
حلفتك بربك ما إشتقت لي وحنيت؟؟



من كثر ماأحبك وصلت لحالة الإدمان!!
إدمان صوتك وشوفك وطاريك..
العفو ماأحبك،،،
أنا فيـــك هيمـــــــــــان!!
يعني:
أحبك..
وأعشقك..
وحيــــل أغليك..
تدري إذا غبت عني شيصير يافلان؟؟
ينشغل بالي وأفكر وأحاتيك...



أحتاجلك لا ضيق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أبيك تسأل عن حياتي وتدري
عن ضحكة أيامي ووافي عناها
أحتاجلك في كل لحظه بعمري
لاصرت روحي كيف أحيا بلاها



عجزت أخفي مشاعر حب،
عجزت أوصف مدى الاعجاب ..
عجز قلبي يفسرلي ..
إحساس الوله فيني ،،
فضحني الشوق .. شوق القلب ،
أشوفه بكل عيون الاحباب ..
شوق يحركه خلي ..
إذا لحظة يخليني ،،



وتسألني عن أخباري ؟!!
كانك مادريت اش صار ..
وكانك مب سبب ناري
وجرحي وهمي والتذكار ..
غدى جرح الزمن جاري
يمر قلبي بكل نهار ..
ويصب جروحه في بحري
ويوقعلي أنا الغدار ..



بحاول أنسى كل الهم وبتناسى بعد الجـراح
بأصبر نفسي عالغربة كثر ما أقـدر اتصبـر
إذا ثلث الطموح عناد وثلثينه صبر وإلحـاح
بأجبر خاطر آمالي واحـاول أكثـر و أكثـر
وإذا بعض الألم باقي ترى بعض الأمل ماراح
وكل ما قلت ما أقدر بأعاندني وأقـول أقـدر

حلوووووو.